Haan, zindagi khoobsurat hai!

Saadiyon lambi intezar ke baad,

Yeh lamha tere saath,

Haan, zindagi khoobsurat hai ..

Subah yun tera aaine mein jhankna,

Laton ko yun kaan ke peeche sawarna,

Choode mein jade apne naam ko niharna,

Haan, zindagi khoobsurat hai ..

Woh meethi nok jhok,

Aur bachon si sharartein,

Haq se ki apni mann mani,

Haan, zindagi khoobsurat hai ..

Teri baahon mein sir rakh chanda mama ki jalak,

Tere haanthon ko pakad un raahon ki sair,

Tere kadmon sang samudr ke rait par mere pairon ke nishaan,

Haan, zindagi khoobsurat hai ..

Woh nigahon ki shikayatein,

Unse judi apnepan ka ehsaas,

Madhe madhe usmein panapta pyaar aur vishwaas,

Haan, zindagi khoobsurat hai ..

Tera naam, teri pehchaan ..

Tere rishte aur unse judne ka saubhagya,

Nahi, sab aasan nahi ..

Par haan, tere sang guzra har lamha kehta hai .. Zindangi sachmuch behad khoobsurat hai!